Thursday, April 24, 2008

कविता कशी सुचते..??

कवीता काय अशीही सुचते .........
.......... कवीता काय तशीही सुचते
.

कधी ती बाळकडु पाजते
कधी ती व्यासंगात बोलते
कधी ती प्रेमात गुंतते रंगते
कधी ती अध्यात्म साधते
कल्पनेच्या बैठकीवर भावनांची मांडणी असते
कवीता काय अशीही सुचते .........
.......... कवीता काय तशीही सुचते
.
कधी ती आई असते
कधी ती बाबा असते
कधी भाऊ तर कधी ताई असते
कधी ती नात्यांना सांधते
कधी ती अनामिकांना जोडते
कधी मित्र तर कधी मैत्रीण असते
कधी बायको तर कधी मेव्हणी असते
कधी स्वत:च्या तर कधी इतरांच्या मनातली मेख असते
कवीता काय अशीही सुचते .........
.......... कवीता काय तशीही सुचते
.
कधी ती आठवणींशी भांडते
कधी ती मुक्यानेच आक्रंदते
कधी ती माझ्यातल्या "मी" वर हसते
कधी ती माझ्या नसण्यावरही रडते
कवीता काय अशीही सुचते .........
.......... कवीता काय तशीही सुचते
.
कधी ती आत्मकेंद्रीत असते
कधी ती विश्वाला वेधते
कधी ती राखेतून जन्मते
कधी ती अनंतात लोपते
ना आदी ना अंत अशी ब्रम्हमय होते
कवीता काय अशीही सुचते .........
.......... कवीता काय तशीही सुचते
.
कधी ती थांबता थांबता वाढते

कधी ती वाढता वाढता संपते
कवीता काय अशीही सुचते......
....... कवीता काय तशीही सुचते

-----------------
मंदार हिंगणे

23/04/2008

Saturday, April 19, 2008

उद्या जर ... !

कधी कधी रात्री जागून मी
तीला गाढ झोपलेलं बघतो .....
शांत स्वप्नात हरवलेल्या तीच्या
चेहे‍र्‍यावरच्या मूकरी हास्यात... मी हरवतो...
कटाक्ष टाकून मी पून्हा लवंडतो ..
आणि एक विचार नेहमीसारखा
माझ्या मनात रूंजी घालू लगतो ....
"जर मी उद्या उठलोच नाही ..
.... तर कळेल तीला कधी
मी तीच्याबद्दल काय विचार करतो ..??"

.
जर माझा "उद्या" आलाच नाही... !
तीला कधी उमगेल का माझे प्रेम ??
की ती जीव माझा....माझे सर्वस्व आहे ...
मी पूरेसा यत्न केलाय का तीला भासवीण्याचा..???
करतोय किती प्रेम हे सांगण्याचा ???

.
आणि जर येथली संपली असेल माझी वेळ ..
..... तीला जगावेच लागेल माझ्यावीना ;
जर माझा "उद्या" आलाच नाही... !
जगेल का ती माझ्या प्रेमाच्या आधारे ....??
.

म्हणुन मी अता मनाशी ठरवलय ...
प्रत्येक दिवशी..प्रत्येक वेळी ..
मला तीला सांगायच ..
तीचे माझ्या आयुष्यातल स्थान .., माझ प्रेम
तीला सगळ सगळ सांगायचं ....
न जाणो "उद्या" परत सांगता येईन की नाही...?

----
मंदार हिंगणे
१६-०४-२००८

Friday, April 4, 2008

पाण्याचा एक थेंब.......

पाण्याचा एक थेंब आज ढगातुन खाली उतरला...
.
सुर्यकिरणांवर पडला... सोन्यासारखा चकाकला
.
इंद्रधनुवर बसला.... सप्तरंगात मनसोक्त रंगला
.
पाना-फ़ुलांनवर विसावला... मोत्यासारखा दिसला
.
पण चुकुन एकदा विस्तवावर पडला..अन अस्तित्वच हरवला
.
पाण्याचाच थेंब तो..वाईट संगतीचा परीणाम विसरला.

---
मंदार हिंगणे,
१६/१/२००८;